Rakugo kontaketa eskaini zen Jubilatuen astean

Aste honetan Aldaieta elkarteak Jubilatuen astea antolatu du ekitaldi ugarirekin. Horien artean, Azpeitiko Rakugo taldeko kontalariek Japoniako ipuin kontaketa tradizionala erakutsi zuten udaletxeko batzar aretoan. Hiru ipuin kontatu zituzten Axen Escalada, Arantzazu Maiz eta Maider Ibarguren rakugolariek, bakoitzak bana, kimonoa jantzita eta belauniko eserita. Herritar ugari gerturatu ziren bertara Hiromi Yoshidak itzulitako ipuinak entzutera.