Primerako lasterkariak atzo Iruñeatik Donostiara

Eguraldi tristea izan arren, primerako giroa izan zen atzo Basque ultra trail series zirkuituaren hirugarren etapa. Lainoek, sirimiriak eta tenperatura freskoak ez zuten Iruñeatik ateratako 146 lagunen umore zapuztu eta goizeko 8:30ak aldera iritsi ziren Aresoko plazara azkarrenak.

Bertan, bolondresak eta ikusle goiztiarren bat zain zituzten. Indarrak hartu eta gero, Aresoko plazatik elizaren atzekaldetik Ulizar aldera abiatzen ziren gero handik Berastegiko bidea hartuz. Bertan, herritar eta antolakuntzako lagun ugari zituzten hauen gogoa animatzeko asmoz.

Basque ultra trail series zirkuituaren hirugarren etapan Nuno Mendes portugaldarra izan zen azkarrena 15:00:48 denborarekin. Silvia Trigueros emakumea izan zen azkarrena 18:39:51 denborarekin eta ondoren, Nerea Martínez sailkatu zen bigarren. Denetara, 58 gipuzkoar artean azkarrena Carlos García irundarra izan zen. Horien artean, primeran ibili zen Eñaut Sorarrain alkizarra. Nafarren artean, goraipa-tzeko da Leitzan bizi den Mikel Altadilek erakutsitako maila bikaina.

• Temas
• euskera