80 pilotarik parte hartuko dute gaur IV. Udazken festan

80 pilotarik parte hartuko dute gaur IV. Udazken festan Villabonako Bear Zana pilotalekuan. Aurtengoan jaialdiak lau talde izango ditu Behar Zana talde antolatzailearekin batera. Beste hiru pilota taldeak honako hauek dira: Adunako Txulobi, Zizurkilgo Ziotza eta Iparraldetik datorren Angeluko Hardoytarrak. Aurrebenjamin, benjamin eta alebin mailako 80 neska eta mutilek parte hartuko dute goizeko 10:00etan hasiko den jaialdian. Eskuz zein palaz arituko dira partida motxak jokatuz eta joko garbi erakustaldia ere izango da. Guztira 65 partida jokatuko dira 12:30ean amaitzea espero den jaialdian, ondoren Behar Zana elkartean hamaiketako ederra dastatuko dute.