Pilates ikastaroa antolatu da ikasturte honetarako

NÚÑEZ LEGORRETA.

Legorretako Udaleko Kultur Lantaldeak pilates ikastaroa antolatu du ikasturte honetarako, Ugaro Herri Ikastetxeko Soinketa Gelan emango dena.

Bi talde osatu ahal izango dira, bata goizez eta bestea arratsaldez. Ikastaroa astelehenetan eta asteazkenetan emango da, goizeko 9:00etatik 10:00etara eta arratsaldeko 18:30etik 19:30era, irailaren 25etik ekainaren 20ra bitartean.

Taldeak gehienez 12 ikaslekoak izango dira eta izena emateko ordenean onartuko dira.

Ikastaro osoko matrikula 315 eurokoa izango da, 35 euro hileko, eta izen ematea Patxi Ezkiaga Kultur Etxean egin beharko da, momentuan bertan ordainduz.

Bestalde, ordainketa agindu iraunkorra egin ahal izango da, hileroko kuota ordaintzeko. Ikastaroa hasi ondoren ez da dirurik itzuliko eta hileroko kuota ikasturte amaiera bitartean kobratuko da.

Fotos

Vídeos