Pettiren kontzertuak eman dio hasiera Kultur Asteburuari

Haurrak eta gurasoak gamusinoen bila atera ziren. / YARZA
Haurrak eta gurasoak gamusinoen bila atera ziren. / YARZA

YARZA GAZTELU.

Bakarkako emanaldia eskaini zuen Pettik Gazteluko Kultur Asteburuaren hasieran. Ikusle ugari elkartu ziren eskolan, kontzertuan ederki pasa zutenak. Ez zituen kanta propioak bakarrik eskaini, Jose Antonio Artzeren eta Leonard Cohenen bertsioak ere entzun ahal izan ziren, besteak beste. Ondoren, pintxo lehiaketa eta dastaketa egin zen Erroizpe Azpiko Kirol eta Kultur elkartean, parte hartze handiarekin.

Atzo arratsaldean, berriz, txokolatada izan zen Erroizpe elkartean. Haur eta heldu ugari gerturatu ziren bertara. Jarraian, euriari aurre eginez, gamusinoen bila joan ziren herrigunean zehar linternekin eta zartaginekin soinua ateraz.

Gaur azoka

Goiz guztian azoka izango da Gazteluko frontoian. Horren baitan, sega zorroztu eta pikatzeko ikastaroa egongo da. Ondoren, jubilatuen bazkaria izango da eta 16:00etan dantza afrikarren tailerra eskainiko da eskolan.

Fotos

Vídeos