Parte hartzaile ugari rolleski igoeran

Adin guztietako parte hartzaileak izan ziren Hernialden. /  ARGAZKIAK NÚÑEZ
Adin guztietako parte hartzaileak izan ziren Hernialden. / ARGAZKIAK NÚÑEZ

Gipuzkoako zein Nafarroako kirol elkarteetatik etorritako 77 parte hartzaile izan ziren eta 3,2 kilometroko igoera osatu zuten

NÚÑEZ HERNIALDE.

Hernialdeko Rolleski igoerak bere 17. edizioa ospatu zuen atzo arratsaldean parte hartzaile ugarirekin. Gipuzkoako zein Nafarroako kirol elkarteetatik etorritako 77 parte hartzaile izan ziren atzokoan 3,2 kilometroko igoera osatu zutenak Hernialdeko plazaraino.

Helmugara iristen lehena Josu Erkizia izan zen Club Vasco de Camping taldekoa. Hamabi minutu eta 15 segundo behar izan zituen horretarako. Atzetik sartu ziren Unai Sanz eta Manex Salsamendi mutiletan. Nesketan lehena Marta Cester izan zen. Beteranoetan lehena Jesus Beltran izan zen.

Estilo klasikoan Unai Palacios iritsi zen lehena helmugara, bigarren Julen Chacon eta hirugarren Estomba. Lehenengo emakumezkoa Maialen Lopez izan zen, bigarren Naia Saez eta hirugarren Olga Garciandia. Beteranoetan, Peio Gorostegi izan zen eta Amaia Abanzabalegi izan ziren lehenengoak.

Infantiletan Hodei Aramendiak eta Olaia Plazasek irabazi zuten, bigarren Peio Añarbe eta Berenice Lavin izan ziren, eta hirugarren Xabier Maeztu eta Naroa Amantegi izan ziren.

Fotos

Vídeos