Aho osasunari buruzko hitzaldia bihar arratsaldean kultur etxean

Ahoa gure eguneroko bizitzan zein atal garrantzi-tsua den guztiok dakigu, baina askotan ahaztu egiten zaigu eta ez jakintasuna tartean delarik ez diogu behar duen bezalako arreta ematen zerbait ongi ez doala konturatzen garen arte.

Portaera hauei aurre egiteko oso garrantzitsua da ezagutza. Ahoa osasuntsu nola manten-tzen den jakitea, zein gaixotasun eduki ditzakegun eta hauen ondorioak, nola saihestu ditzakegun, ortodontziari buruzko edo protesiei buruzko informazioa izatea, zein unetan hasi behar garen hortzei arreta jartzen, zenbatero egin beharko genituzkeen azterketak, edo oinarrizkoa badirudi ere hortzak nola garbitu behar diren.

Guzti hori dena eta askoz gehiago azaltzeko, bihar arratsaldean, azaroak 11, 17:30ean Maialen Igarzabal Murua, Zumarragako Alai hortz klinikako odontologoa, Gabiriako Kultur Etxean izango da herritar guztioi aho ederrak edukitzen laguntzeko helburuarekin.