Garaiz Lazkao Txiki bertsopaper lehia

Iazko lehiaketan saritutako bertsozaleak, antolatzaileak eta Udaleko ordezkariak. / MARIN
Iazko lehiaketan saritutako bertsozaleak, antolatzaileak eta Udaleko ordezkariak. / MARIN

Pasa den apirileko 3an mende laurden bete da Lazkao Txiki hil zenetik

DV ORDIZIA.

Pasa den apirilaren 3an beti dira 25 urte hil zela Lazkaomendiko Abaliñe baserrian jaiotako Joxe Migel Iztueta 'Lazkao Txiki' bertsolari maitatua.

Urteurren kaxkarra baina beste alde batetik aitzaki berezia gogotsu hartzeko duela 27 urtetik Argi Berri elkarteak Lazkao Txikiren omenez, urtero, antolatzen duen bertso paper lehiaketa.

Gauzak horrela, Argi Berri elkarteak Udalaren laguntzarekin antolatutako Lazkao Txiki XXVII. Bertsopaper lehiaketara lanak aurkezteko epea zabalik dago.

Hainbeste urte pasa ta gero, antolatzaileen hitzetan «guk ere hasi ginenean ez genuen pentsatzen gauzek hain bide bizkorra eraman behar zutenik. Joxe Mielen babesa bilatu genuen, bera baitzen une hartan Goierriko bertsolaririk ezagunena».

Esan ere halaxe genioen hasi berri hartan: «izan ere Lazkao Txiki izan da eta da oraindik bertsolari-tzaren ispilu eta eredu paregabea goierritarrontzat eta berak eta beraren lanak azaltzen dizkie ongien gaurko gazteei bertsolaritzaren i-tzal-argiak», aipatzen dute.

«Baina laister joan zitzaigun Joxe Miel. Hasi eta hurrengo urtean bertan umezurtz utzi gintuen, 25 urte pasa dira jadanik harrezkero. Joxe Miel joan bazitzaigun ere guk geuretzat nahi dugu bere itzala eta hasi bezela bere izenean jarraituko dugu lanean», diote Argi Berri elkartekoek.

Orain arte gertatu den bezela, lehiaketa 3 mailatan banatzen da: Gaztetxoen maila: 13 urte artekoentzat (2018an 14 betetzen ez dituztenentzat). Gazteen maila: 14-18 urte artekoentzat (2018an gutxienez 14 eta gehienez 18 urte betetzen dituztenentzat). Helduen maila: 1999an edo aurretik jaiotakoentzat.

Gaztetxoen mailan, parte har-tzaile bakoitzak nahi adina bertsopaper bidal ditzake. Bertsopaper bakoitzeko idatzi beharreko bertsoak gutxienez 2 eta gehienez 4 izango dira.

Gazte eta Helduen mailetan, berriz, parte hartzaile bakoitzak nahi adina bertsopaper bidal ditzake. Bertsopaper bakoitzeko idatzi beharreko bertsoak gutxienez 8 eta gehienez 12 izango dira.

Gaiari dagokionez, gaztetxoen mailan, neurria eta doinua libreak izango dira, ez ordea gaia, 'Asko maite zaitut' izango da eta. Gazte eta Helduen mailetan, berriz, gaia, neurria eta doinua bezala, librea izango da, bakoitzaren aukerakoa.

Lanak helbide honetara bidaliko dira: Argi Berri elkartea (Lazkao Txiki Bertsopaper Lehiaketa), Gipuzkoa kalea 15-behea, 20240 Ordizia edo e-postaz; aitor-c@ahize.aek.eus. Lanak, uztailaren 1aren aurretik bidali beharko dira.

Baldintzak: bertsoek jatorrizkoak eta argitaratu gabeak izan behar dute. Lanak bidaltzerakoan originala eta lau kopia bidaliko dira (ohiko posta erabiliz gero). Lanak izenordez bakarrik sinatuko dira. Izenorde hori bertso sortaren barrenean jartzea hobeto. Eta izenordearekin bakarrik bidaliko zaizkie. Izenorde horrek guztiz ezezaguna izan behar du.

Beste gutunazal batean, izenordearekin batera bidaliko zaizkie beste xehetasun guztiak: egilearen izenordea eta izena, adina (jaiotze-data), helbidea, telefono zenbakia e.a. (karnetaren kopia bidaltzea gomendagarria da). Bertsoak ordenagailu edo makinaz idatzirik bidaltzea eskatzen da. Bertso bakoitzari bere ordena-zenbakia jarriko zaio.

Ezinbestekoa da, bestalde, bertso sorta bakoitzaren doinua izenburuaren ondoan zehaztea. E-mailez bidaliz gero berriz, mezu berean, alde batetik bertsoak, eta bestetik egilearen datuak bidaliko dira.

Sariak; gaztetxoentzako; lehenengoak 200 euro lortuko du, bigarrena; 100 eta hirugarrena; 50. Gazteen kasuan, aurrenak 300 euro, bigarrenak; 200 eta hirugarrenak; 100. Eta helduen artean, irabazleak 500 euro, bigarreanak; 400 eta hirugarrenak; 300 euro. Sari banaketa irailaren 9an (Euskal Jaiak) izango da.

Informazio gehiago behar izan ezgero, telefono honetan: 649011262 (Aitor).

Contenido Patrocinado

Fotos

Vídeos