Diario Vasco

Ziburu eta Urruñako ikastolen alde Pirritx, Porrotx eta Marimototsekin

Porrotx, Iparraldeko eta Goierriko ikastolen ordezkariak, atzoko agerraldian Barrenan.
Porrotx, Iparraldeko eta Goierriko ikastolen ordezkariak, atzoko agerraldian Barrenan. / MARÍN
  • Jaialdia abenduaren 17an izango da Majorin

Aurten ere, eta 20 urte dira, hutsik egin gabe, Goierriko ikastolek Iparraldeko Ziburu eta Urruñako ikastolei beren laguntza eskain-tzeko ahalegina egindo dute. Hogei urte ere Goierriko eta Ziburu-Urruñako ikastolek elkarlana hasi zutela. Izan ere, ikastolek bere sorreratik dute elkarlaguntza eta herritartasuna ezaugarri. Ikusi besterik ez dago azken 40 urte hauetan zenbat urrats eman diren ikastolaren izenean eta izanean. Guztia euskara eta euskal kultura sustatzeko.

Bere bidea egin dute ikastolek, eta normaltasun osoz ikusten dituzte gehienek. Duela bi mendetako lege zahar batengatik beti arriskuan dira ikastolak, behar bezalako laguntzarik ez emateko eta berriak sortzea oztopatzeko. Aurtengoan ere goierritarenganatzeko arrazoia elkarlaguntzarena da. Ezin dugu ahaztu, zerotik hasitako ikastolak direla Urruña eta Ziburukoak eta azken urteotan urrats nabarmenak eman dituzten arren, behar gorriak dituztela oraindik gaur egun. Hain zuzen ere, bai Urruñako eta bai Ziburuko ikastolak, hornikun-tza lanetan murgilduak daude.

Urrunako Ikastolak 21 urte ditu. Badira orain 20 urte Goierriko, Piarres Larzabal eta Urrunako ikastolek elkarlana hasi zutela. Urte asko pasa dira Iparraldeko lehen ikastola sortu den geroztik. Ez ditugu berriz kontatuko 21 urtez Urrunako Ikastolak ezagutu dituen aldaketak. Ez dugu berriz kontatuko Urrunako Ikastolak 120 haur hartzen dituela, 85 famili, euskarazko erakaskuntza baten eskaintzeko. Ez dugu berriz kontatu traba guziak gaindituz, ikastola hau orain onartua dela Urrunako eskolen panoraman eta urrunaren izpiruetan.

Ziburuko Piarres Larzabal Kolegioak, berriz, 260 ikasle eskolatuz, murgiltze eredua hautatu duten ipar euskal kostaldeko 215 familia biltzen ditu. Irakasle eta pedagogi taldearen atxikimendua eta gurasoen militan-tziari esker kolegio honek eraiki eta bizi arazteko ahala izan du.

47 urte pasa dira Iparraldeko lehen ikastola sortu zenetik, eta egun 34 ikastolek Iparraldeko ikastolen federakuntza, Seaska, osatzen dute. «Bizkitartean deusik ez genuen lortuko Hego eta Ipar Euskal Herriko partaideen sostengurik gabe. Hala nola, Urruña eta Goierriko ikastolek Piarres Larzabal Kolegioarekin batera urtero antolatzen dituzten ekitaldiek gure kolegioarentzako beharrezkoak diren diru laguntzak ekar-tzen dituzte. Laguntza horiek, gure semealabentzat eraikiak diren proiektu pedagogiko eta ekintzak ordaintzeko baliagarri dira baita ere Kolegioa mantentzeko. Ikasle kopuruaren emendatzeak gero eta behar handiagoak sortarazten ditu», diote.

Gauzak horrela, aurten ere, Iparraldeko ikastolei beste bultzada bat emateko asmoz, bi jaialdi antolatu dira. Lehena, joan den azarorean 27an izan zen Urruñan bertan. Bigarrena, abenduaren 17an, Ordiziako Majori kiroldegian izango da, bi saioetan, arratsaldeko 16:00etan eta 18:30ean.

Egitarauan; hasteko, Goierriko ikastoletako haurrak kantari, segidan, Urruñako haurrak kantari eta saioa borobiltzeko, Pirritx, Porrotx eta Marimototsek 'Tipi tapa korika!' ikuskizun berria eskainiko dute. Ondoren, Kuxkuxtu txaranga, alde zaharreko kaleak animatzen ibiliko da.

Sarrerak gaurtik salgai

7 eurotan, salgai daude jada sarrerak, honako leku hautean: Ordizian, Jakintza ikastolan (Villa Eugenia) eta Majorin, gaur ata bihar, 17:00etatik 18:30era, eta ondoren, Majorin bertan, agortu arte. Lazkaon, Gerriko liburudendan, Beasain, Ikastola Andramendi, gaur eta bihar, eta Antzizar tabernan, Seguran, Elorripen, Itsasondo, Kaxintanen, Zaldibian, Joxepanen, eta Idiazabalen, Izparren.

Temas

Recibe nuestras newsletters en tu email

Apúntate