Oinatz Bengoetxak eta Abel Barriolak piztuko dute txupina

Abel Barriola eta Oinatz Bengoetxea herriko plazan. / DV

Ostegunean, arratsaldeko 6etan izango dute jaiei hasiera emateko ohorea Leitzako pilota handiek

E. BELAUNTZARAN LEITZA.

Dena prat dago Leitzan aurtengo San Tiburtzio jaiei hasiera emateko. Ostegunean, etzi, hilak 10 izango da txupina eta aurten, herriko bi pilotari handiei eman diote jaiei hasiera emateko ohorea. Abel Barriola eta Oinatz Bengoetxea izango dira udaletxeko balkoneko protagonistak herritarrak zain dituzten bitartean jai giroan murgiltzeko.

Hasiera ofiziala arratsaldeko 6etan, baina festa bezperan goizetik izango dira ekitaldiak herriko plazan. Izan ere, goizeko 11:30ean kuadrileen arteko herri kirol desafioa izango da. Arratsaldeko 13:00 Elkartasun manifa iragarrita dago eta 13:30ean jubilatuen bazkaria egongo da. Arratsaldeko 14:00etan berriz, Herri bazkaria izango da udaletxeko karrapen musikaz alaiturik.

Ohi bezala, arratsaldeko 18:00etan piztuko da jaiei hasiera emango dien txupinazoa et aondoren, Plazaola aldizkariko azalaren saria banatuko da. Ondoren, Incansables txaranga, txistulariak, erraldoiak, gaiteroak eta buruhandiak aterako dira giroa alaitzeko. Aurrerako atarian musika emanaldia egongo da bitartean.

Iluntzeko 21:30ean, suzko zezena aterako da. Gaueko 23:00etan Tximeleta taldearen emanaldia egongo da plazan eta herrian barna Incansables txaranga ibiliko da giroa alaitzen.

Fotos

Vídeos