Odol-emaile zegamarrak omenduak izan ziren

Joan den larunbatean egin zuten Goierriko odol-emaileen ordezkarien batzarra Ormaiztegin eta bertan bi zegamarrek jaso zuten diploma. Alde batetik Kontxi Manzanalek 40 aldiz odola eman ondorengo diploma jaso zuen eta Juan Mari Ormazabalek, 75 aldiz odola eman izanaren diploma jaso zuen.

Ostiral eta bai larunbatean ospatu zen IV. Kaba Festa Zegaman. Bi egunetan, kabaren katak egin ziren Sadurni Oliver eta Blancher etxeko arduradunek gidatuta. Kaba katetan bi egunetan hogeitaka lagunek parte hartu zuten eta afarietan bi egunetan eta batez ere larunbatean Kiroldegia gainezka egon zn. Eusko Labeleko jaki ederrak egon ziren eta kaba ere erruz edan zen. Herriko elkarteek berriz ere ezinbestekoak izan ziren Kaba festa aurrera eramateko.