Nafarroara joko dute igande honetan Amalur eta Ikastolekoek

DV LAZKAO.

Nafarroako lurretara joko dute oraingoan Amalur eta ikastolak antolatutako mendi irteeran, Irurtzun inguruan dagoen Aizkorbe herrira hain zuzen ere. Bertako plazatik abiatu eta ordu eta laurdenean Erga (1094m) mendi tontorreraino igoko dira. Gero, Hirutasun Santuaren baselizan hamaiketakoa egin ondoren, Aginagara jaitsiko dira. 'Edozeinentzako moduko zazpi kilometroko ibilbidea' antolatzaileen esanetan.

Itzala taberna parean elkartuko dira igandean, 8.00etan, Aizkorbera autobusez elkarrekin joateko eta 13.30ak aldera itzuliko dira Lazkaora. Animatzen denak aurrez izena eman behar du amalur.me@gmail.com helbidera mezu bat bidaliz (oraingo honetan ezin da telefonoz apuntatu).

Contenido Patrocinado

Fotos

Vídeos