Musika eta bazkaria erretirodunen egunean

Txintxarri txiki abesbatza Ikaztegietako elizan eskainitako emanaldian. /  ARGAZKIAK YARZA
Txintxarri txiki abesbatza Ikaztegietako elizan eskainitako emanaldian. / ARGAZKIAK YARZA

YARZA IKAZTEGIETA.

Ikaztegietako erretirodunek igandean ospatu zuten beren eguna. San Lorentzo elizan beraien omenezko meza izan zen eta, azken urteen antzera, Alegiako Txintxarri Txiki eta Txintxarri abesbatzek emanaldia eskaini zuten jarraian, Garbiñe Orbegozoren zuzendaritzapean eta Mariaje Rekondo pianojolearen laguntzarekin.

Txikienak eman zioten hasiera emanaldiari 'Sesere Eeye', 'Non dira?', 'Alami-Sea dance' eta 'Kusimama' abestiekin. Segidan, helduek 'Baialdakizu maite', 'Euskaldun makila', 'Lehenengo geltokian', 'Goza mi calipso', 'Itsasoa gara' eta 'Iaute Iaute' eskaini zituzten. Saioari amaiera emateko, bi abesbatzek elkarrekin abestu zuten 'Hegoak ebaki banizkio', ikusleen txalo zaparradarekin. Ondoren, erretirodunek bazkaria izan zuten Ostatu Jatetxean.

Contenido Patrocinado

Fotos

Vídeos