'Mondejuak nola egin!' ikastaroa antolatu du Jentilbaratza Elkarteak

Mondeju beltza egiteko ikastaroa antolatu da.
/
Mondeju beltza egiteko ikastaroa antolatu da.

Ikastaroa hilaren 28an egingo da Aizkoate Elkartean. Pili Barandiaranak emango du. Izena eman behar da bertan parte hartzeko

DV ATAUN.

Ikastaroa, urriaren 28an, goizeko 10:00etatik 13:00etara emango du Pili Barandiaranek Aizkoate Elkartean. Bera, Ataunen egiten den Mondeju Beltza Lehiaketan hiru alditan atera da garaile. Bertan parte hartzeko, edo informazioa gehiago lortzeko, deitu telefono honetara: 616.375.983.

«Mondeju beltza betidanik ezagutu da Ataunen. Belaunaldiz belaunaldi gaurdaino iraun duen bizimodu baten adierazgarri izan da. Artzantza eta baserria izan zituen bere kabi», diote ikastaroaren antolatzaileek.

Zer
'Mondejuak nola egin!'
Noiz. Urriaren 28an, larunbata. Goizeko 10
00etatik 13:00etara.
Non
Aizkoate Elkartean.
Nork
Pili Barandiaranek emango du. Ataunen egiten den Mondeju Beltza lehiaketan hiru alditan izan da garaile.
Izen ematea eta informazioa
616.375.983.
Antolatzailea
Jentilbaratza Elkartea, Ataungo Udalaren babesarekin.

Garaiak aldatu egin dira ordea eta janari honen elaborazioa erakutsi, suspertu eta zabaldu nahian, ikastaroak antolatzen ari da Jentilbaratza Elkartea.

Jaki preziatu honen elaborantzari eusteko egiten ari den ahalegin honetan animatu nahi da batez ere jende gaztea, tradiziozko langintza hau ikastera eta gordetzera. Izan ere badaramatza ia urte batzuk antolatzen Ataungo Mondeju Lehiaketa.

«Lehiaketa honetan parte hartzea bultzatu nahian alde batetik eta bestalde behar bada janari hau egiteko ohitura geroz eta urriagoa denez, garrantzitsua ikusi du ikastaro hau antolatzea», adierazten dute Jentilbaratza Elkartetik.

Antolatzaileen ustez, «gertutik ezagutzen ditugu taloaren edo beste janari batzuen bilakaera, izan ere geroz eta jende gehiagok ematen dio garrantzia gaztegoengana transmisio lan hau egiteari. Gauza bera lortzea gustatuko litzaiguke Ataungo Mondeju beltzarekin ere».

«Honenbestez ikastaro honetan parte hartzera gonbidatu nahi zaitugu ea usadio honi eustea lortzen dugun», amaitzen dute esaten Jentilbaratzetik.

Fotos

Vídeos