Ane Mintegi, Mallorkan eta Alakanten irabazle

Ane MIntegi pasa den astean Mallorkan jokatu zen Masterrean.

Urtean zehar hainbat tenis txapelketa irabazi ditu. Azkenekoa, Rafa Nadal Tour Masterra

M. C. ELORZA IDIAZABAL.

Denboraldi bikaina burutu du Ane Mintegi idiazabaldarra, aurtengo urtarrilean Bartzelonan eman zion hasiera denboraldiari, bertan garaipena lortuz. Urtarriletik irailera bitartean, estatu mailako hamar txapelketan hartu du parte, hamarretan lortu du finalerako txartela, zortzi final irabazi eta bi galdu dituelarik. Hauetaz aparte hainbat garaipen lortu ditu Euskal Herrian zehar, bat aipatzekotan Euskadiko txapelketa, Bilbon jokaturikoa.

Lehen aipatutako hamar txapelketa horietan ateratako puntuei esker estatu mailan jokatzen diren bi Masterretarako sailkatu zen, hain zuzen TTK Warrios eta Rafa Nadal Tour masterrak.

Irailaren hasieran Alakantako Villenan jokatu zen TTK Masterran 8 jokalari aritu ziren eta Ane Mintegik finala jokatu zuen Andrea Redondo valentziarraren aurka. Anek 6-1 eta 6-0 irabazi zion.

Joan den astean, berriz, Mallorkan, Rafa Nadal Tour Masterra jokatu zen. Han ere zortzi jokalari, eta finalean gipuzkoarrak Lucia Llinares izan zuen aurkari. Anek 6-1,1-6 eta 6-1 emaitzarekin irabazi zion.

San Migek jaiak Urtsuaranen

Bihar San Migel eguna da eta Idiazabalgo Urtsuaranen hiru egunetan jaiak antolatu dituzte, bihartik iganderaino.

Bihar, 20:00etan, afaria menu honekin: mondejuak, gixadua eta arditxuletak. 22:30ean, mus azkarra txapelketa. Larunba tean, berriz, hilak 30, 12:00etan, meza Santa Engraziako parrokian, Idiazabalgo Abesbatzako Korua alaituta eta ondoren kalejira txistulariekin, Jabier Zeberio eta Angel Mari Peñagarikano bertsotan eta baita ere Joxe Elortza eta Peio Urdangarin trikitilariak. 14:00etan, udaletxean bazkaria.

Arratsadean, berriz, 15:30ean Patxin eta Potxinen ikuskizuna. Ondoren 18:30ean, bertsolarien bigarren saioa. Iluntzean afaria eta jarrraian trikitixa.

Festak amaitzeko, igandean, 12:30ean, herri kirolak. Aizkoran: Aitor Urteaga (idiazabaldarra) eta Joxe Ugarteburu-Xabier Dorronsoro eta Angel Arrospideren aurka, harria jasotzen Xabier Aranburu 'Guzta' (idiazabaldarra). 14:00etan, herri bazkaria, Iban Urdangarin eta Iker Zubeldia bertsolariekin. 17:00 etan, toka lehiaketa herritarrentzat.

Fotos

Vídeos