Miñaripe lehiaketan izena emateko epea zabalik

Hitz edo Irri euskara elkarteak antolatu du aurten ere. Abenduaren 1ean jokatuko da Botikaxarren, 18:00etatik aurrera

A. ETXEBERRIA SEGURA.

Hitz edo Irri euskara elkarteak antolatu du aurten ere Miñaripe lehiaketa, Segurako Mihiluzea. Abenduaren 1ean, ostiralean, jokatuko da Botikaxarren, arratsaldeko 18:00etan hasita, eta apuntatzeko epea azaroaren 26an amaituko da.

Jokoa

Miñaripe euskararekin jolastuaz ondo pasatzeko sortu zen jokoa da. Bere helburua Segurako hizkera, herriko hitzak eta tokien izenak ezagutaraztea da.

Horretarako telebistako Mihiluze saioan oinarritzen da eta bertako proben antzekoak egiten dira, baina galdera guztiak Segurari edo herriko hizkerari buruzkoak izanez.

Parte hartzeko hiru laguneko taldea elkartu besterik ez da egin behar, eta aurtengoan ahalik eta herritar gehienei zabaldu nahi zaie parte hartzeko aukera; Lehen hezkuntzako 4. mailatik, 9-10 urte, aurrerakoek parte hartu ahalko dute, baina 3 taldekideak ezingo dira izan 12 urtez azpikoak. Heldu bat egon beharko du gutxienez hirukotean.

Contenido Patrocinado

Fotos

Vídeos