San Martin eguna gaur Alkizan

Haur ugarik parte hartu zuten frontoian antolatu ziren herri kirol jokoetan./
Haur ugarik parte hartu zuten frontoian antolatu ziren herri kirol jokoetan.

Gaztetxoen pilota partidak, lau t'erdiko finala eta bertso afaria izango dira gaur

NÚÑEZ ALKIZA.

Haurrentzako herri kirol saioarekin hasi ziren atzo arratsaldean San Martin jaiak Alkizan. Haur ugarik parte hartu zuten frontoian antolatu ziren herri kirol jokoetan. Zaku karrera, txapel jaurtiketa, fardo mugitzea, eta abar proba osatu behar izan zituzten haurrek.

Gaur San Martin eguna ospatuko da, 16:00etan gaztetxoen pilota partidak jokatuko dira. Lehenengo partida benjamin mailakoa izango da Alkizako bikotea Amasa-Villabonakoaren aurka. Ondoren, alebin mailan, Alkiza eta Berastegik jokatuko dute elkarren aurka. 18:00etan Herriko 4 1/2ko Txapelketako finala jokatuko da eta 21:00etan bertso afaria egingo da Ostatu jatetxean Anjel Mari Peñagarikano eta Unai Mendizabal bertsolariekin.

Fotos

Vídeos