Logroño eta Vianara irteera antolatu du jubilatuentzat Aiztondok

Irailaren 21ean izango da eta Logroñon mahats-biltze festa ikusiko dute

NÚÑEZ ADUNA.

Aiztondo Zerbitzuen Mankomunitateak Logroñora eta Vianara irteera antolatu du herriko jubilatuentzako irailaren 21erako, osteguna. Autobusa goizeko 8:45ean aterako da herritik. Goizean Logroñoko mahats-biltze festa ikusiko dute. Ondoren, Vianara joango dira bazkaltzera eta arratsaldean herria bisitatuko dute.

Bazkariko menua ondorengoa izango da: entsalada epela, txipiroiak onddo-kremarekin eta ahate-gibela mahaspasa-ogiarekin, elkarbanatzeko; eta bigarren platera aukeratzeko legatza labean edo azpizuna errea piperrekin; etxeko mamia edo krema eta txokolate milorria postrerako eta kafea, ardoa eta ura. Irteeraren prezioa 30 eurokoa izango da eta autobusera igotzerakoan ordaindu beharko da egunean bertan.

Fotos

Vídeos