Langaurre Eguneko ekintzetan izena emateko epea hilren 18ra arte

GOIKOETXEA ALEGIA.

Hilaren 27an ospatuko den Langaurre Egunari begira, antolakuntzak izena emateko epea luzatzea erabaki du. Egunean zehar ekintza ezberdinak egingo dira eta horietan parte hartu nahi dutenek maiatzaren 18a, ostirala izango dute izena emateko azken eguna. Alde batetik, bazkaltzera Langaurrera joan nahi dutenek, Iskiña, Hilario Berri eta Jubilatuen tabernan edo kultur etxean eman beharko dute izena. Izena ematerakoan taldean izango diren pertsona kopurua zehaztu beharko da. Horrekin batera, Langaurrera oinez igotzeko asmoa dutenek hori ere zehaztu beharko dute izena ematerako unean. 9:30ean abiatuko dira Alegiatik eta 11:00etan hamaiketakoa eskainiko da Langaurren. Ondoren, 11:30ean, Aranzadi zientzia elkartearen eskutik habia kutxak egiten ikasteko tailer bat eskainiko da Langaurren bertan. Bertan parte hartu nahi dutenek, kultur etxean eman beharko dute izena maiatzaren 18a baino lehen.

Kartel eta logotipo lehiaketa

Alegiako jaietako kartela eta logotipoa aukeratzeko lehiaketan lanak aurkezteko epea zabalik dago. Jai batzordeak 150 euroko sariak jarri ditu arlo bakoitzeko irabazleentzat eta lanak Alegiako kultur etxean aurkeztu behar dira. Maiatzaren 18a, ostirala, izango da lanak aurkezteko azken eguna.

Contenido Patrocinado

Fotos

Vídeos