Laburbira bihar iritsiko da Lazkaora zortzi filmerekin

DV LAZKAO.

Laburbirak, Euskarazko film laburren zirkuitoak, hamabosgarren edizioa beteko du aurten eta oraingoan ere euskarazko zortzi ekoizpenekin iritsiko da Euskal Herriko txoko askotara. Zirkuitu ibiltari honen helburu nagusia euskarazko sortzaileen lana ezagutaraztea da baina baita ikusleei hauez gozaraztea. Honela, bihar bertan Lazkao, Ordizi, Bergara eta Azpeitian estreinatuko den 2018ko Laburbirak, hainbat herri bisitatuko ditu martxoaren 27a bitartean. Guztira 29, London, Paris eta Valencia barne.

'Ilunpetan' (Koldo Carranza), 'Night Shift' (Izaskun Arandia), 'Higadurak'(Oihane Zunzunegi eta Amaia Otaola), 'Ejecutor'(Javi Arriaga), 'Tazan' (UDA films), 'Areka' (Atxur animazio taldea), 'Kreba' (Oier Fuentes) eta 'Zulo' (Erika Olaizola eta Amancay Gaztañaga) dira aurtengoan aukeratutako lanak eta «Umorea, intriga, kritika, gure historiari begirada eta kulturaren eta hizkuntzaren transmisioari keinua» dira, besteak beste, hauek dakarte Areria kulturgunera bihar iritsiko da Laburbira 2018, esan bezala; «sentsazioz jositako zortzi pieza»ikusteko aukera izango dute lazkaotarrek, iluntzeko 21.15etatik aurrera. Ordu eta laurdeneko iraupena izango du emanaldiak eta sarrera bi euro kostako da, leihatilan.

Contenido Patrocinado

Fotos

Vídeos