Kirola nagusi San Bartolome jaietan

Jubilatuentzako hamaiketakoa eskaini zen Saiaz elkartean. / NÚÑEZ
Jubilatuentzako hamaiketakoa eskaini zen Saiaz elkartean. / NÚÑEZ

NÚÑEZ BIDANIA-GOIATZ.

Aurrera doaz Bidaniko San Bartolome jaiak eta atzokoan kirola izan zen nagusi. Meza nagusiaren ondoren, Saiaz elkartean helduentzako hamaiketakoa eskaintzen zen bitartean, toka eta bola txapelketak antolatu ziren.

Gainera, herriko gazteen arteko pilota eta pala txapelketako finalak jokatu ziren. Gaztetxoek pilota goxuarekin jokatu zuten. Ander Iraeta eta Alex Altunak irabazi zuten eta bigarren Anartz Dorronsoro eta Oihan Aranzadi izan ziren. Ondoren, nesken pala final jokatu zen, Miren Larrartek eta Goreti Aburuzak irabazi zuten, Nerea Ruiz eta Esnaolaren aurka. Azkenik, mutilen pelota finalean, Auritz Otaño eta Oier Elola izan ziren garaile, Andoni Elola eta Mikel Etxeberriaren aurka.

Gauean, Alurr dantza taldeak emanaldia eskaini zuen frontoian. Hiru ikasle taldek parte hartu zuten, batzuk herrikoak. Ikusle ugari elkartu ziren euskal dantzetan oinarritutako koreografiak ikusteko eta txalo zaparrada eskaini zieten dantzariei.

Fotos

Vídeos