Kable gaineko oreka tailerra eskainiko da Asvinenean

Datorren maiatzaren 19an, larunbatean, Garazi Pascual zirkuko artistak kable gaineko oreka tailerra eskainiko du Asvinenean. Ikastaroa goizez izango da, 10:00etatik 13:00etara eta gazte zein helduei irekia dago. Pascual hainbat zirku eskolatan aritu da eta kable gaineko orekan espezialista da. Tailerrean parte hartzeko ez da behar aurreko esperientziarik, oinarritik hasiko baita. Besteak beste, parte hartzaileek gorputzaren kokapena, eusteko teknika, oinez edota korrikan ibiltzea zein birak eta jauziak egiten ikasiko dute. Informazio gehiagorako 606.226.486 telefono zenbakira deitu daiteke.