Joxan Artze gogoan izan zuten Ataungo kartelen erakusketan

DV ATAUN.

Atauniker eta Murkondo elkarteek antolaturik, Ataungo Kartelen IV. erakusketa egin da udaletxeako ganbaran 2017an bildutako herriko 22 elkarteren inguruko 105 kartelak ikusgai izanik. Orain artekoekin batera, aurtengoak ere Lazkaoko Beneditarren fundazioaren Dokumentazio Gunean gordeko dira, bai jatorrizkoak nahiz digitalizatuak.

Kopia digitalizatuak herriko artxibategian jasoko dira.

Erakusketan, bide batez, Ataunekin harreman handia zuen hil berri den Joxan Artzeri txoko berezia eskaini zitzaion bere argitalpen eta prentsako dosierrarekin batera.

Elkarte antolatzaileek dei egiten diete herriko elkarte guztiei, argitalpen eta kartel guztiak gorde eta beraiei helaraz diezaieten, herriaren egungo memoria historikoa osatzen joan dadin.

Contenido Patrocinado

Fotos

Vídeos