Irurako elkarte berria sortzeko azken bilera, bihar arratsaldean

Eguzki Goxo abesbatza kantuan./NUÑEZ
Eguzki Goxo abesbatza kantuan. / NUÑEZ

Haurrentzako zaintza-zerbitzua egongo da bilerara joan nahi duten gurasoentzat

NUÑEZIRURA.

Azken hilabeteetan elkarte berri bat sortzeko bidean lanean aritu da herritar talde bat. Elkartea sortzeko azken bilera bihar, ostiralean, ekainaren 8an, izango da, 18:00etan eskola zaharreko gela borobilean.

ã&euro&euroã&euro&euroOrain arte hiru bilera egin dira herriaren egoera eta dituen erronkak, elkartearen helburua, balioak eta ekintzen proposamenak zehaztu direnak. Bihar orain arteko guztia ezagutzera emango da eta elkartearen hemendik aurrerako antolaketa eta funtzionamendua adostuko dira. Hori egindakoan, kideen artean taldeak osatu eta martxan jarriko dira. Herritar guztiak gonbidatuak daude bileran parte hartzera. Irauten duen denboran haurrentzako zaintza-zerbitzua egongo da bilerara joan nahi duten gurasoentzako.

Eguzki Goxo abesbatza

Eguzki Goxo abesbatzaren emanaldiarekin eman zitzaion amaiera Irurako Maiatza Kuturalari. Ikusle ugari gerturatu ziren San Migel elizara kultur ekitaldirako bereziki prestatu zuten emanaldia entzuteko. Estilo guztietako abestiak eskaini zituen taldeak. Josune Insausti zuzendariaren 'Eguzki Goxo' abestiarekin hasi zuten emanaldia eta jarraian zulu tradiziozko 'Ukuthula', 'Eperrak', 'Rosas pandan', 'Volare', 'You're so beautiful', 'La vie en rose', 'A la orilla de un palmar' eta 'Greziako itsasontzia' abestu zituzten. Ikusleek gogoz txalotu zuten abesti bakoitza.

Contenido Patrocinado

Fotos

Vídeos