Irati Xiaoyan eta Julene Campos, gimnasia erritmikoan txapelketak irabazten ari dira

Gimnasia erritmikoan txapelketak irabazten ari dira Irati Xiaoyan Agirre eta Julene Campos segurar gazteak. Biak Ordiziako taldearekin, Irati kadete mailan izan da Gipuzkoako txapeldun eta Euskadiko Txapelketan bigarren postua lortu du. Aurtengo koreografia hiru uztai eta bi pilotaz osatu dute.

Iratik 16 urte ditu eta 6 urterekin hasi zen gimnasian. Bere ibilbidean 5 aldiz izan da Gipuzkoako txapeldun eta beste 5 alditan eskuratu du Euskadiko Txapelketa .

Julene Camposek 11 urte ditu eta 5 urterekin hasi zen gimnasiaren modalitate honetan. Alebina da eta aurten Gipuzkoako eta Euskadiko Txapelketak irabazi ditu Ordiziako taldearekin. Koreografia 5 pilotekin egin dute.