Intxurreko jubeniletako bi futbol taldeak nagusi

GOIKOETXEA ALEGIA.

Denboraldiko bigarren garaipena lortu du asteburuan Intxurreko jubenilen mailako emakumezkoen taldeak Hernaniri 3-2 irabazita. Sei punturekin sailkapeneko hirugarren postuan daude, eta Goierri Gorriren zelaian jokatuko dute hurrengo neurketa. Maila bereko mutilek ere 2-3 irabazi zuten Idiazabalen. Hauek ere hirugarren postuan dira bederatzi punturekin, eta hurrengo partida etxean jokatuko dute Ordiziaren aurka.

Erregionalak eta kadeteak punturik gabe geratu dira igaro berri den futbol jardunaldian. Erregionalek 2-3 galdu zuten etxean Danenaren aurka. Sailkapeneko bosgarren postuan daude lau punturekin, eta azken postuan den Euskaldunaren zelaian jokatuko dute hurrengo neurketa. Kadeteek 1-3 galdu zuten multzoko lidergoan den Ostadarren aurka. Zor-tzigarren dira alegiarrak dira puntu bakarrarekin, eta beraiekin berdinduta dagoen Tolosaren zelaian jokatuko dute hurrengo partida. Datorren asteburuan denboraldiari ekingo diotenak Aralar Intxurreko infantilen mailako taldeak izango dira: mutilen bi talde eta emakumezkoen talde bat izango dira aurten lehian.

Fotos

Vídeos