Intxurreko jubenil mutilek garaipen erosoa lortu dute Landetxaren aurka

Landetxari 11 eta 1 irabazi ostean, bigarren postuan dagoen Santo Tomas Lizeoaren aurka jokatuko dute hurrengo neurketa Intxurreko jubenilek. /  RENOBALES
Landetxari 11 eta 1 irabazi ostean, bigarren postuan dagoen Santo Tomas Lizeoaren aurka jokatuko dute hurrengo neurketa Intxurreko jubenilek. / RENOBALES

Hiru puntu horiekin igoera faseko multzoko sailkapeneko laugarren postura igo dira

GOIKOETXEA ALEGIA.

Intxurreko jubenilen mailako gizonezkoen taldeak 11 eta 1 irabazi berri dio pasa den asteburuan Landetxari igoera faseko partidan. Garaipen horrekin alegiarrak multzoko sailkapenean laugarren jarri dira eta bigarren dagoen Santo Tomas Lizeoaren aurka jokatuko dute datorren asteburuan etxetik kanpo. Kadeteen taldea ere jokoan zituen hiru puntuak biltzeko moduan izan da pasa den jardunaldian: 1 eta 4 nagusitu ziren Lazkaon. Seigarren postuan daude eta beraien aurretik dagoen Aizkorri Goierriren zelaian ariko dira asteburuan.

Txapeldunen fasean ari den Aralar Intxurreko infantil mutilen taldearena izan da asteburuak utzi digun hirugarren eta azken garaipena: 2 eta 1 nagusitu ziren Añorgaren kontra. Sailkapeneko bosgarren postuan dira eta Euskalduna liderraren aurkakoa izango dute hurrengo jardunaldian, Andoainen.

Infantil mutilen mailako beste taldeak bana berdindu zuen Ordiziaren aurka etxean, Kopako partidan. Zazpi punturekin bosgarren postuan daude eta Lazkaon jokatuko dute asteburuan liderraren aurka. Jubenil neskek, berriz, 0 eta 4 galdu zuten Mutrikuren aurka. Bederatzigarrenean daude eta hurrengo partida Urolaren zelaian jokatuko dute, sailkapeneko hirugarrenaren aurka.

Azkenik, emakumezko infantilek eta erregionalek atsedena izan zuten asteburuan eta datorren jardunaldian itzuliko dira lehiara. Bi taldeak etxean ariko dira: infantilek Urnietaren aurka jokatuko dute eta erregionalek Eibartarraken bisita jasoko dute.

Contenido Patrocinado

Fotos

Vídeos