Intxurreko gizonezko jubenilen taldea igoera faserako sailkatu da

Sailkapeneko lehen postuan amaitu eta igoera fasea jokatuko du jubenil mutilen taldeak. / RENOBALES
Sailkapeneko lehen postuan amaitu eta igoera fasea jokatuko du jubenil mutilen taldeak. / RENOBALES

Erregionalek eta kadeteek Kopa jokatuko dute

GOIKOETXEA ALEGIA.

Intxurreko futbolariek amaitu dituzte 2017. urteari dagozkion lanak. Lehen mailako jubenilen gizonezkoen taldea izan da igoera fasea jokatzeko sailkatu den bakarra.

Azken partidan Villabonan 6-0 galdu arren multzoko lehen postuan amaitu dute eta urtarrilean ekingo diote fase berriari. Erregionalek eta kadeteek, berriz, Kopa jokatuko dute: bosgarren postuan amaitu dute lehenengoek eta laugarrenean, bigarrenek. Azken horiek 1-0 irabazi dute lehen faseko azken neurketa Danenaren aurka.

Emakumezko jubenilek 5-0 galdu zuten Tolosan liga partidan. Seigarren daude hamabost punturekin eta urte berriari Euskaldunaren aurka etxean jokatuz ekingo diote.

Infantiletan, Aralar Intxurreko hiru taldeek etxean jokatu dute asteburuan. Gizonezkoen bi taldeek Ostadarreko taldeak izan zituzten aurkari. Aralar Intxurre Bk 11-0 irabazi zion Ostadar C taldeari, eta sailkapeneko laugarren postuan daude hamabi punturekin. Aralar Intxurre A taldeak, berriz, 2-7 galdu zuen Ostadar Aren kontrako lehia, eta hirugarrenean daude hamabost punturekin. Emakumezkoek 1-6 galdu zuten Euskaldunaren aurkako partida, eta zazpigarren postuan esango diote agur urteari.

Talde guztiek bi asteko atsedena izango dute orain.

Contenido Patrocinado

Fotos

Vídeos