Ibon Azpilikuetak perretxikoei buruzko hitzaldia eskaini zuen

Azpilikuetak perretxikoen ezaugarriak azaldu zituen. /  NÚÑEZ
Azpilikuetak perretxikoen ezaugarriak azaldu zituen. / NÚÑEZ

NÚÑEZ LARRAUL.

Antton Izagirre Kultur Etxeko balioanitzeko aretoa herritarrez bete zen Ibon Azpilikuetak perretxikoei buruz eskaini zuen hitzaldian. Azpilikuetak perretxiko jangarriak azaldu zituen, baita beraiekin nahasgarriak suerta daitezkeenak ere. Amaieran, perretxiko bilketaren egoera eta araudiak azaldu zituen, hala nola, Gaztela-Leongoa zein Ulzama bailarakoa.

Gaur kaiku tibetarrak

Larraulgo Kultur Astea amaierara iristen ari da, baina gaur eta bihar ere hainbat ekitaldi izango dira herrian. Gaur goizeko 11:00etan kaiku tibetanoei eta autoezagutzaren soinuei buruzko hitzaldi-tailerra izango da Kultur Etxean, eta arratsaldeko 16:00etan mus lehiaketa antolatuko da Katillu-Txulo elkartean. Izena emateko epea txapelketaren aurretik irekiko da, 16:15ak arte. Ondoren, 18:00etatik 20:00etara egutegirako argazkien aukeraketa egingo da eta ondoren, 20:30ean, Ruper Ordorikak kontzertua eskainiko du San Esteban elizan.

Elurra iritsi da

Urteko lehen elurtearekin esnatu zen atzo Larraul. Goizean jaitsi edota igotzeko arazoak izan ziren arren, egunean zehar errepidea irekita egon zen, bestelako eragozpenik eragin gabe. Herri Ostatua taberna ere egun guztian egon zen irekita, eta hala jarraituko du hurrengo egunetan ere ikuspegiaz gozatzera gerturatzen direnentzat. Haurrek zein helduek ederki pasa zuten Urbeltz plazako zelaian elurrarekin jolastuz eta paisaiari argazkiak ateratzeko beta ez zuten galdu herritarrek zein bisitariek.

Contenido Patrocinado

Fotos

Vídeos