Herri kirolak eta dantzariak jaiak agurtzeko

Herri kirol saioa eskaini zuten bi taldeak elkarrekin.
Herri kirol saioa eskaini zuten bi taldeak elkarrekin.

Mugerza anaiak aizkoran aritu ziren eta Izeta IV eta Aimar Irigoien harri jasotzen

NÚÑEZ ALBIZTUR.

Albizturko herritarrek herri kirol erakustaldiarekin eta dantza emanaldiarekin agurtu zituzten Andre Mariaren jaiak. Arratsaldean, Ama Birjinaren Jasokundearen egunean ohitura den bezala, herri kirol saioa eskaini zuten herriko gazteek osatutako bi taldek. Koxkolak biltzen, kixkiak biltzen, txingak eramaten, korrika, estraperloan eta goxokia irinetan bila-tzen aritu ziren. Beraiei laguntzen, Mugerza anaiak aritu ziren aizkoran eta Izeta IV eta Aimar Irigoien harri jasotzen.

Gauean, berriz, Oinargi dantza taldeko gazteek 'Izena badu, bada' emanaldia eskaini zuten frontoian. Albizturko, Leaburu-Txaramako eta Amasa-Villabonako hogeita hamar bat haurrek eta gaztetxoek parte hartu zuten Belen Simon eta Naroa Perez ama-alabak antolatutako emanaldian. Ondoren, kalejiran babarrunaren igoera egin zen plazaraino jaiei amaiera emanez.

Fotos

Vídeos