Goierriko odol-emaile delegazioaren jaia ospatu zen

Jaian parte hartu zuten beste omendu batzuk./
Jaian parte hartu zuten beste omendu batzuk.

DV ORMAIZTEGI.

Gipuzkoako Odol Emaileen Elkarteak antolatuta, Goierri eskualdeko odol-emaile delegazioaren jaia ospatuko zen gure herrian. Urtero herri bat aukeratzen dute beraien urteko jaia ospatzeko, aurtengo ospakizunerako Ormaiztegi izan delarik aukeratua. Giro onean ospatu zen ekitaldia, 120 pertsona inguru bildu zirelarik ospakizunean.

Guztira 98 odolemaile izan ziren omenduak, beraiek jaso zituztelarik domina eta intsigniak. Ekitaldiaren oinarria eta ardatza odolemaileak izan baziren ere beraien ondoan izan ziren Gipuzkoako Odol Emaileen Elkarteko lehendakaria, Goierri eskualdeko odol-emaile Elkarteko lehendakaria, Ormaiztegiko alkatea eta Ormaiztegiko delegazioko lehendakaria ere. Guztiek eskerronezko hitzak izan zituzten betaratu ziren odol-emaileentzako, beraien eskuzabaltasunari esker, emaniko odolari esker, pertsona askoren bizia salbatzea lortzen baita.

Lerro hauetatik Goierri eskualdeko odol-emaile delegazioaren izenean, «eskerrik beroenak bidali nahi dizkiete, urteetan laguntzaile izan dituzten erakunde eta enpresa guztiei, beraien laguntzarik gabe ezinezkoa gertatuko bait litzaieke aurrera egitea. Aldi berean, jaso bezate zorionik beroena, larunbatean omenduak izan ziren odol-emaile guztiek, baita ere elkartekide diren guztiek ere, borondate hutsez ematen duten odolak, pertsona askok bizirik jarrai-tzeko aukera izatea suposatzen baitu, 'Odola ematea bizia ematea' elkartearen leloak adierazten duen bezala». Goierriko odol-emaile delegazioa 17 udalerrik osatzen dute, Alegitik hasi eta Legazpira arteko herriak dira bertako partaide.

Ekitaldiaren nondik norakoak

Ekitaldia larunbat arratsaldez Zubipe kiroldegian gauzatu zen, hasera arratsaldeko 18:00etan eman zi-tzaion, elkartekide eta bertaratuei harrera eginez. 18:30ean odol- emaileei domina eta intsigniak banatu zizkieten. Ekitaldian dantzariek eta Urmaiz abesbatzako kideek parte hartu zuten, dantza eta musika doinuak jarriz. Zubipe kiroldegiko ekitaldia amaitu ondoren triki poteoak alaituriko giroa izan zen herriko tarbenetan. Ondoren, atzoko ekitaldian parte hartu zutenak afaltzeko elkartu ziren baita ere Zubipe Kiroldegian.

Ormaiztegiko datuak

2017. urtean hiru odol ateraketa gauzatu dira gure herrian. Guztira 138 odol poltsa jaso dira. Zazpi odolemaile berrik eman dutelarik izena.

Domina eta intsigniak jaso zituzten Ormaiztegiko delegazioko odolemaileak, 25 aldiz odola eman izanagatik Gabiriko Jose Antonio Ormazabal Dorronsorok eta herriko Aitor Iraeta Simonek jaso zuten omenaldia. 40 aldiz odola eman izanagatik Kontxi Irastorza Gorosabelek jaso zuen omenaldia. 50 aldiz odola eman izanagatik Joxe Mari Goikoetxea Erminak jaso zuen omenaldia.

Fotos

Vídeos