Jai giroa nagusi Bedaion

Dantzariak Bedaioko pilotalekuan dantza eskaintzeko prest.
Dantzariak Bedaioko pilotalekuan dantza eskaintzeko prest. / DV

E.B. BEDAIO.

Bedaioarrak jai giroan murgilduta daude. Atzo, meza nagusiaren ondoren hasi ziren festak bertan erretirodunek hamaiketakoa Abaetxe jatetxean izan zutelarik. Ondoren, toka txapelketa egin zuten. Indarrak berreskuratzeko bazkaria izan zuten. Arratsaldean berriz, Sutarri eta Amezketako dan-tza taldearen emanaldia. Gero, bertsoak entzuteko parada izan zuten poteoan ibili ziren lagunek. Gauean berriz, zahagiardoa egin zuten eta Elustondo anai-arreben erromeria herriko frontoian.

Gaur arratsaldeko 17:00etan, ume jolasak izango dira. 21:00etan, herri afari nagusia antolatu dute eta ondoren, erromeria egongo da Izer-Alabier eta Ansorregi-Larrañagarekin. Goizaldera, baratxuri zopa eta txokolatea banatuko dira.

Bihar, berriz, 11:00etan, meza nagusia izango da. Ondoren, hamaiketakoa trikitilariekin eta 13:00etan, Bedaioko XXVIII. Txirrindulari igoera. 18:00etan, herri-kirol jaialdia izango da Atutxa eta Mugerza aizkoran arituko dira eta harrijaso-tzen Aimar Irigoien eta Izeta II.a. Jarraian, Bedaioko ingurutxoa dan-tzatuko da. Gaueko 21:00etan, afaria izango da Artubi elkartean mondejua eta ardi gixaduarekin.

Fotos

Vídeos