Giro ezin hobea Garagardo Azokan

Beste herri askotan dagoeneko hitzordu ia klasiko bihurtu badira ere, Larraulen lehen aldiz antolatu dute udazken honetan garagardo azoka. Eta modu arrakastatsuan, gainera. Herri Ostatuak prestatuta, bi egunez -goizetik gauera zabalik izan zen azoka larunbat eta igandean- halakoetan ohikoa den menua dastatzeko aukera izan zuten bertaratu zirenek: ukondoa eta saltxitxak, eta garagardo mota ugari. Eguraldia lagun plazan zein tabernan lasai dastatu ahal izan ziren kañeroko lau garagardoak eta botillako berrogei ezberdin.