Giro ederrean ospatu zen urte amaiera

Ohitura den bezala korrikan ospatu zuten urteko azken eguna Lizartzan San Silvestre lasterketarekin. Herritar ugari elkartu ziren plazara, batzuk baita mozorrotuta ere, herriguneari bost itzuli emateko.

Taldeko argazkia atera ondoren, haurrak izan ziren lehenak ibilbideari itzuli bat ematen eta jarraian gazte eta helduek bost aldiz osatu zuten ibilbidea. Denak elkarrekin eta erritmo baxuan egin zuten lasterketa lau itzulietan, azkenekoan bakoitzak bere erritmora amaitu zezan.

Ez zen irabazlerik egon, amaieran, txokolate beroa izan zen guztientzako.