Giro ederrean jokatu zen BerroBira lasterketa

Haurrak eta gaztetxoak jasotako dominekin eta sariekin. Yarza

YARZA BERROBI.

Hamabosgarren urtez BerroBira herri lasterketa antolatu zen Berrobin, ikusle zein parte hartzaile ugarirekin. Haur, gazte zein helduentzako lasterketa izan zen eta berrogeitik gora haurrek eta berrogeita zortzi helduk parte hartu zuten.

Lehenengo haurrek osatu behar izan zuten eskolaren bueltako ibilbidea, ondoren gaztetxoek eta, amaitzeko, helduek bost itzuli eman zizkioten zazpi kilometro eta erdiko ibilbideari.

Sailkapenetan, aurrebenjaminetan Ioritz Saizar izan zen garaile eta nesketan Aitana Aierbe, nahiz eta parte hartzaile guztiek eraman zuten domina. Benjaminetan Aiara Agirrezabalak eta Mikel Jauregik irabazi zuten.

Hamar eta hamaika urtekoetan Maier Olanok eta Unai Armendarizek irabazi zuten eta hamabi eta hamahiru urtekoetan Ane Martin eta Manex Zibiko izan ziren garaile.

Helduetan, emakumezkoen mailan Lourdes Colomo izan zen garaile, bigarren Ainhoa Lekuona eta hirugarren Leire Lopez de Arregi. Gizonezkoen mailan, Hmatou Salaheddinek irabazi zuen, bigarren izan zen Anartz Mujika eta hirugarren Ibai Madina, lehen herritarra ere izan zena.

Helmugara iritsi zen Berrobiko lehen emakumea Josune Alberdi izan zen.

Fotos

Vídeos