Gabonetan zehar jarduera ugari egingo dira herriko hainbat elkartek antolatuta

I.A. ASTEASU.

Asteasuko Udalak, Usarrabi koruak, Atzapar KKEk, Matxintxulok, eta Kukute gurasoen elkarteak antolatuta Gabonetan ekintza ugari izango dira. Abenduaren 23a: Organo-kontzertua, elizan. Abenduaren 24a: Gabon eskeko kantua: 10:00etan, Pello Errotako ikasleak eta 12:00etan, Guraso Elkartea. Abenduaren 26a: 16:30 eta 19:30 bitartean, Txatxilipurdi elkartearekin'Probatu eta gozatu' (euskarazko jostailu berriak ezagutzeko jarduera), udaletxeko zine-gelan. Abenduaren 28a: 16:30ean, 'Etxe magikoa' (zinea euskaraz), ondoren merendola. Abenduaren 29a: 20:30ean, kontzertua Iturri-ondo (Mirarik zuzendutako ikasle-taldea). Abenduaren 31: Urrezko Aizkoraren finala, frontoian. Urtarrilaren 2a: 17:00etan, 'Ipuinen haria', 4-11 urte bitarteko haurrentzako ipuin kontalaria, udaletxeko zine-gelan. Urtarrilaren 3a, 16:30ean, 'Albert' (zinea euskaraz), ondoren merendola, udaletxeko zine-gelan. Urtarrilaren 5a: Pilota-finalak eta Errege-kabalgata, 20:30. Eta, urtarrilaren 7a, kros solidarioa.

Contenido Patrocinado

Fotos

Vídeos