Gabonetako menua prestatzen ikasteko sukaldaritza ikastaroa antolatu da

YARZA LIZARTZA.

Aurten antolatu diren sukaldaritza ikastaroei jarraipena emanez Javi Riverok eta Eneko Amondarainek gabonetako menua prestatzen ikasteko ikastaroa emango dute. Oraingoan hiru zatitan banatuta egongo da. Lehen plateren gaia azaroaren 4an emango dute, bigarren platerena azaroaren 25ean eta postreena abenduaren 16an. Hiru egunak larunbatak dira eta 12:00etatik 15:00ak bitarte izango da ikastaroa, Txirrita Elkartean, eta prestatutako jakiak bertan dastatuko dira.

Ikastaroan parte hartzeko ez da beharrezkoa izango elkarteko kide izatea, ezta herritarra izatea ere. Txirrita Elkarteko bazkideek edo Lizartzan erroldatuan daudenek 15 euro ordaindu beharko dituzte saio bakoitzeko eta gainerakoek 20 euro saio bakoitzeko. Plaza mugatuak daude eta beraz derrigorrezkoa izango da Udaletxean edo elkartean izena ematea.

Fotos

Vídeos