Gabiriako elizan hartu eman ikastaroa eta organo kontzertua

Bihar, arratsaldeko 18:00etatik aurrera

ARANTZAZU BAZTARRIKA GABIRIA.

Azken urteetan, Gabiriako elizako organoa azaroko egunen batean normalean baino gehiago nabarmentarazten da, bertako zein kanpoko organojoleekin kontzertuak antolatzen bait dira. Aurten ere biharko arratsalderako Gipuzkoako Foru Aldundiko kultura sailaren eta Organoen lagunen laguntzarekin Gabiriako parrokia batzordeak eta Udalak horixe egitea erabaki du. Baina horrez gain, eta bide batez aprobetxatuz, organoaren ezaugarriak ezagutzeko hartu eman ikastaroa ere egongo da.

Xabier Barriola

Hartu eman ikastaroetan herritarrek beraien jakituria zabaltzen dute, honako honetan Xabier Barriolak organoaren ezaugarriei buruz argibideak emango ditu, honen sekretu eta bitxikeriak irakatsiz igande arratsaldean 18:00tatik aurrera.

Alize Mendizabal

Ostean, Alize Mendizabal organistaren kontzertua egongo da. Mendizabal, 2009tik aurrera Donostiako Koruko Andre Mariaren basilikako Cavaillé-Coll órgano nagusiaren organista tituluduna da, kontzertu asko eta askotarikoak ematen ditu bakarlari gisa, eta beste musika talde batzuen baitan ere mundu zabalean, besteak beste Tokioko Suntory Halleko Organo zikloan, Opera City auditoriumean, edota Donostiako Musika Hamabostaldian.

Contenido Patrocinado

Fotos

Vídeos