Festa giroan piztu zen Goikoetxeko karobia

Xabier Iturrioz apaizak bedeinkatu zuen karobiaren piztuera. / ARGAZKIAK YARZA
Xabier Iturrioz apaizak bedeinkatu zuen karobiaren piztuera. / ARGAZKIAK YARZA

YARZA ELDUAIN.

Urte askotan ezkutuan egon ostean, azken hamarkadan Elduainen berreskuratu diren karobien helburua egin zen, martxan jarri eta karea lortzea.

Goikoetxe karobia aukeratu zen horretarako eta atzo eguerdian herritar eta bisitari ugari elkartu ziren bertan. Astean zehar pare bat aldiz piztu bada ere paretak lehortzeko, lehengoan hartu zuen suak.

Lehenengo Jon Belokik bertso pare bat bota zituen ekitaldiari hasiera emateko eta segidan Xabier Iturrioz Elduaingo apaizak bedeinkapena egin zuen, garai batean karobia lanean aritu ziren arbasoen lana zein berreskuratzeko lanetan jardun direnena eskertuz.

Karobia ia prest bazegoen ere, behean ezpalak eta gero egurrez, goraino bete zen egurrarekin eta harriz estali ondoren piztu zen behealdetik. Segituan hartu zuen suak, ke lodia zerurantz bidaliz.

Berotasuna hartzen zuen bitartean, bertaratuentzako hamaiketakoa banatu zen, txorizo eta haragi egosi pintxoak eta piper frijituak, trikitilariek giroa alaitzen zuten bitartean. Behin barnealdea berotuta, beheko atea itxi zen egurra mantsoago erre eta harria ondo egosi dadin. Egunean zehar egurrez eta harriz betetzen joan zen, karea egiten joateko. Garai batean industria guneak ziren karobiak, ehunka pertsonek egiten zuten lana fun-tzionatzen jarrai zezan: ikazkinek, harria ekartzeaz arduratzen zirenek edota karobia gau eta egun zain-tzen zutenek.

Karea harri formarekin ateratzen da, mailuarekin joz karea erraz lortuz. Kare bizia izaten da, urarekin nahastean segituan erreakziona-tzen duena.

Goikoetxeko karobia frantses estilokoa da, tradizionalak baino azkarrago ematen zuena karea. Gutxienez 24 ordu behar dira lehen kare sorta lortzeko, baina gero nahi adina egun egon zitekeen piztua.

Contenido Patrocinado

Fotos

Vídeos