X. Ferie izango da igande honetan Belauntzan

Belauntzako Udalak Ferie antolatu du igande honetarako hamargarren urtez. Artisautza eta nekazal produktuen azoka, animalien erakusketa eta haurrentzako tailerrak izango dira goiz guztian herrian. Artisautza azoka frontoian egongo da gozogintza, bitxigintza, barazkiak eta frutak, eta abar, erosteko aukerarekin. Udaletxe ondoko plazan egongo dira urtero bezala herriko baserrietako abereak ikusgai. Era berean, aurten, haurrentzako tailerrak antolatuko dira eliza ondoan.

Belauntzako Udalak Zabor bilketari buruzko Tasen Errolda onartu zuen jada eta, jendaurrean jartzearekin batera, ordaintzeko epea irekiko da, urrian eta azaroan egin beharko dena. Ordainketan aurrezki kutxa edo banketxeen bidez egin beharko da.