Euskararen Eguna ospatuko da gaur eta bihar Anoetan

Tolosaldean antolatu den mosaikoaren A hizkia osatuko dute 11:00etan haurrek eta gaztetxoek

NÚÑEZ ANOETA.

Anoetan ere gaur ospa-tzen den Euskararen Nazioarteko Egunarekin bat egingo dute eta Tolosaldean antolatu den mosaikoaren A hizkia osatuko dute. Goizeko 11:00etan haurrek eta gaztetxoek 'Tolosaldean euskarak 365 egun!' esaldia marraztuko dute plazan eta amaitutakoan udaletxe aurrean zin-tzilikatuko dute egindako murala.

Herritarrak goizeko 11:30ak aldera inguratuko dira plazara eta eguerdian Euskararen Eguneko adierazpena irakurriko da eta mosaikoari argazkia aterako zaio. Ondoren, kantu-jira aterako da herrian zehar euskal kantak abestera, herriko musikariek alaitua. Amaieran, Kuku elkarteak salda eta txorizoa banatuko ditu parte hartzaileentzako.

Bihar Ikastolan

Bihar astelehenean Anoetako Herri Ikastolako ikasleek eta irakasleek ospatuko dute Euskararen Eguna. Goizean manifestua irakurriko dute eta ondoren ikasleentzako jokoak antolatuko dira.

Arratsaldean herritarrei irekitako ekitaldia egingo dute. 15:15ean emanaldia eskainiko dute Ikastolako borobilean. Ikasturte guztietako ikasleek parte hartuko dute abestiak, dantzak eta koreografiak eskainiz. Nerea Ibartzabal bertsolariak ere parte hartuko du ekitaldian.

Contenido Patrocinado

Fotos

Vídeos