Euskal Herriko kadete mailako saskibaloi txapelketako finalak kiroldegian

NÚÑEZ ANOETA.

Anoetako Abraham Olano Kiroldegian kadete mailako Euskal Herriko Txapelketako finalak jokatuko dira asteburu honetan. Gaur goizean emakumezko zein gizonezkoen finalerdiak jokatuko dira eta bihar igandean, finalak eta kontsolazio partiduak jokatuko dira.

Partidak gaur goizeko 10:00etan hasiko dira Gipuzkoako eta Bizkaiako emakumezkoen selekzioen arteko finalerdiekin. Ondoren, eguerdian selekzio beretako gizonezkoen finalerdia jokatuko da. Arratsaldean berriz, 16:00etan Nafarroako eta Arabako emakumezkoen selekzioen arteko finalerdia jokatuko da eta 18:00etan gizonezkoena.

Bihar goizean 10:00etan emakumezkoen kontsolazio partida jokatuko da gaurko talde galtzaileen artean eta 12:00etan gizonezkoena. Finalak arratsaldean jokatuko dira bi talde garaileen artean. Emakumezkoena arratsaldeko 16:00etan izango da eta gizonezkoena 18:00etan.

Fotos

Vídeos