Eulia jaitsita, Amezketa jaietan da

Dantzariek Agurra dantzatu zuten eulia jaisten zen bitartean. /
Dantzariek Agurra dantzatu zuten eulia jaisten zen bitartean.

Gaur, San Bartolome egunaren biharamunean, koadrilak izango dira protagonista

YARZA AMEZKETA.

San Bartolome eguna giro ederrean eta eguraldia lagun zela ospatu zuten amezketarrek. Goizean aizkolarien eta harri jasotze erakustaldia izan zen plazan. Iker Vicente eta Xabier Orbegozo 'ArriaV'ak norgehiagoka parekatua eskaini zuten. Vicentek amaitu zuen lehenengo segundo gutxiren aldearekin. Jose Ramon Iruretagoiena 'Izeta II'ak, berriz, harri ezberdinekin erakustaldia eskaini zuen.

Eulia ez zen falta izan ere San Bartolome jaietan. Bezperan ospatu zuten jaitsiera, udaletxeko leihotik iturriraino jaitsiz, dantzariek agurra dantzatzen zuten bitartean. Plaza herritarrez bete zen jaien hasiera ospatzeko. Haurrek ederki pasa zuten txistularien doinuekin dantzan.

San Bartolome egunaren biharamunean koadrilak izango dira protagonista Amezketan. 10:00etan XVII. Pilota Txapelketa herrikoiaren finalak jokatuko dira frontoi zaharrean eta 14:30ean koadrilen bazkaria egingo da. Jada iluntzean, 21:00etan sagardoa txiritik eskainiko da. Gauean, Iratzar taldearekin erromeria 23:00etatik aurrera, eta atsedenaldian bingo saioa.

Temas

Jaiak

Fotos

Vídeos