Eltziegoren egunerako egitaraua, prest

Senidetza jaialdia egingo da datorren larunbatean, hainbat ekitaldirekin

M.C. ELORZA IDIAZABAL.

Idiazabalek harreman estua du Eltziegorekin, eta bi herrien arteko senidetza datorren larunbatean islatuko da, festa giroan. Eltziegoren Eguna antolatu dute senidetza hori ospatzeko.

Ekitaldiak goizeko 10:00etan hasiko dira, Eltziegoko Gaiteroak&Friends taldearen dianarekin. Jarraian, 11:00etan, bazkari dastaketarako prestaketa lanak burutuko dira plazan. Eguerdiko 12:00etan Eltziegoko ardo eta produktuen dastaketa egingo da, Eltziegoko Gaiteroak&Friends taldearen musikaz lagunduta.

13:00etan, Dantza Taldeko neska-mutilek emanaldia eskainiko dute. Segidan 14:00etan, patatak errioxar erara eta Eltziegoko produktuen banaketa. Tikeak Izparren dendan daude salgai.

Arratsaldean berriz, 18:30ean, Eltziegoko Santa Cecilia Musika Bandaren Kontzertua Mikel Deunaren Elizan.

Ondoren, 20:00etan, Eltziegoko enologo eta upeltegi-jabeek gidatutako Eltziegoko ardo dastaketa. 2 euro ordaindu beharko dira.

Contenido Patrocinado

Fotos

Vídeos