Eguberrietako ekintzak eta San Silbestre krosa antolatzeko bilerak

Hilaren 15ean izango dira, kultur etxean

GOIKOETXEA ALEGIA.

Alegiako Kultura ba-tzordeak Eguberrietako ekintzak antolatzeko lehen bilera egingo du datorren asteazkenean, hilaren 15ean. Herritar guztientzako deialdi irekia da, jendeak proposamenak egin ditzan, egitarau anitza osatzeko. Proposamenak aztertu eta horien bideragarritasunaz hitz egingo dute elkartutakoek. Bilera 18:00etan izango da kultur etxean. Ekintzen egunean bertan laguntzeko prest daudenei ere dei egiten diete batzordekideek.

Bestetik, abenduaren 31n jokatuko den San Silbestre krosaren zortzigarren edizioa prestatzeko bilera ere deitu du antolakun-tzak: hilaren 15ean izango da hori ere, toki berean, 19:00etan. «Lasterketak dituen beharrei ahalik eta modu egokienean erantzuteko laguntza eskatzen diegu herritarrei, zenbat eta jende gehiagok lagundu, orduan eta ardura gutxiago izango baitu bakoitzak eta, horrela, probaren inguruan sortzen den giroaz gehiago gozatzeko aukera izango dute», azaldu dute antolakuntzatik.

Fotos

Vídeos