'Bixibixi' irratsaioak gaur eguerdian hasiko du denboraldi berria

A.ETXEBERRIA SEGURA.

'Bixibixi' irratsaioak gaur hasiko du 10. denboraldia Segura Irratian. Hitz edo irri euskaraz elkarri taldeak bultzatuta hasi zen Udalaren babesarekin eta, Lierni Elortzak koordinatu eta aurkeztua, asteazkenero 12:05ean zuzenean entzun ahalko da. Irratiaren webgunean ere eskuragarri egongo da eta ostegunetan 18:00etan errepikatuko da eta igandetan 8:00etan. Gaur hasi eta ekainaren 20ra arte 34 irrati saio aurreikusten dira. Aste honetan Katalunia eta katalan hizkuntza izango dira hizpide, han euskara irakasten ari den Dani Oiarbide bide lagun hartuta.

Fotos

Vídeos