Bihar emango du lehenengo urratsa Plan Orokorra idazteko partaidetza prozesuak

Etzikoa bezalako ekimenekin herritarrek prozesu honetan parte har-tzea nahi du Udalak, «Plan Orokorrean hurrengo urteetarako Amezketako hirigintzaren oinarriez hitz egin eta hausnartuko baitugu, azkenean oinarri horiek adosteko», adierazi dute udal arduradunek.

Hurrengo hitzordua urriaren 27an izango da, ostiralarekin. Plan Orokorra idazteko ardura duen taldeko teknikariek egindako diagnosia aurkeztuko dute eta jarraian bi gonbidatuk hitz egingo dute: Ula Iruretagoiena lurraldetasuna eta identitateaz arituko da; eta Joseba Garmendiak tokiko garapenaren eredu eta hausnarketak partekatuko ditu. Hilaren 28an, bezperako aurkezpenean aipaturiko gaiak Amezketako gune ezberdinetan partekatuko dituzte herritarrek elkarrekin egingo duten ibilbidean barrena. Ibilbide hori kultur etxean amaituko da, bertan lehenengo lan-taldeak osatu eta «Amezketak izango duen garapenaren zazpi 'Amets gidariak' aukera-tzeko».

Azaroaren 17rako eta 18rako beste bi saio aurreikusi dituzte, eta abenduaren lehenerako azkena. Horrekin amaitutzat emango luke Udalak Plan Orokorraren parte-hartze prozesuaren lehenengo zatia. Amezketako Udalak web gune bat ere jarri du martxan honen guztiaren inguruan: www.amestuamezketa.eus. Plan Orokorrari buruzko informazioa biltzeaz gain, hari buruzko iradokizunak egiteko aukera ematen die atari horrek herritarrei.