Bengoetxea, Artola eta Urretabizkaia pilotariekin solasaldia gaur

YARZA IKAZTEGIETA.

Azaroko kultur ekitaldien baitan, agenda zabala izango da asteburu honetan. Gaur ostiralean, arratsaldean pilotari profesionalekin mahai ingurua izango da 19:00etan. Oinatz Bengoetxeak, Mikel Artolak eta Beñat Urretabizkaiak parte hartuko dute bertan.

Bihar larunbatean, 'Kirola, osasuna eta jarduera fisikoa' hitzaldia eskainiko du 11:00etan Xabat Ibargurenek. Arratsaldean Kros herrikoiaren XXVII. edizioa ospatuko da. 16:15ean haurrentzako lasterketa egingo da eta 16:30ean helduen krosari emango zaio irteera udaletxe zaharraren aurrean. Parte hartzaileek 3,3 kilometroko zirkuituari hiru itzuli eman beharko dizkiote ibilbideko 10 kilometroak osatzeko, nahiz eta aurten, izen ematerakoan zenbat itzuli eman nahi diren aukeratu daitekeen.

Izen ematea www.herrikrosa.eus webgunean egin beharko da edota bihar arratsaldeko 15:00etatik 16:00etara irteera puntuan. Izen ematen duten lehen 100 korrikalariek lasterketako kamiseta eramango dute. Lehen hiru sailkatuek eramango dute saria, bai gizonezkoen zein emakumezkoen mailan, diru-saria eta produktuez osatutako saskia, eta irabazleek baita txapela ere.

Gainera, antolatzaileek iragarri dutenez parte hartzaile guztien artean laguntzaileek emandako produktuak zozkatuko dira.

Contenido Patrocinado

Fotos

Vídeos