Begirale eskolan izen emateko epea ireki da

NÚÑEZ. LARRAUL.

Aiztondo Mankomunitatea osatzen duten herriek begirale titulua ateratzeko aukera eskaini dute, Zubimusu Ikastolak eta Ikastolen Elkartearen baitan dagoen Aisiola taldeak antolatua. Ikastaro teoriko-praktikoa izango da, urtarrilaren 13an hasiko dena. Amaieran, atal teorikoak 150 ordu hartuko ditu eta praktikoak 160 ordu. Ikastaroa 2000an edo lehen jaiotako gazteei zuzendua dago. Izen ematea 450 eurokoa da, hala ere, Mankomunitateko udalek matrikulazioaren erdia diru-laguntza gisa eskainiko diete gazteei. Laguntza honen bidez, herrian bertan udalak gazteriaren inguruan antolatzen dituen ekimenetan inplikatzea eskatuko zaie begiraleei. Izen ematea edo informazio gehiagorako Aiztondo bulegora (688724286) deituz, edota udal bulegora (943693042).

Contenido Patrocinado

Fotos

Vídeos