XX. Igartza literatura bekaren sari ematea gaur arratsaldean

J. U. BEASAIN.

Idazle gazteen artean euskarazko literatur sorkuntza sustatzeko helburuarekin Beasaingo Udalak sortu zuen beka CAF enpresa eta Elhuyar argitaletxearen laguntzaz. Aurtengoa, Igartza literatura bekaren XX. edizioa izango da, lehena 1998an izan baitzen.

Ekitaldia, gaur 19:00etan egingo da Igartzako jauregian. Bertan, aurtengo beka-irabazlearen izena jakinaraziko da eta beka-sariaren erdia emango zaio. Era berean, iazko sarituari ere (Ekaitz Goienetxea Cereceda), idazlana entregatua duenez, iazko sariaren bigarren erdia emango zaio. Igartza literatura bekaren diru-saria 6.000 eurokoa da eta honekin batera garaikurra ere jasoko du irabazleak.

Azken 20 edizio hauetan, egun entzutetsu bihurtu diren idazle asko dira Igartza saria bere egunean irabazi zutenak, besteak beste Julen Gabiria, Unai Elorriaga, Karmele Jaio, Uxue Alberdi, Katixa Agirre, Jon Martin, Kattalin Miner edo Unai Villena.

Fotos

Vídeos